ஆஸ்திரேலிய ஓபன் டென்னிஸ் தொடரில் முன்னணி வீரா் Rafael Nadal, நடப்புச் சாம்பியன் Naomi Osaka ஆகியோர், தங்களது முதல் சுற்றுகளில் வெற்றியை பதிவு செய்தனர்.

ஆடவர் ஒற்றையர் பிரிவில், போட்டித் தரவரிசையில் 6-ம் இடத்தில் இருக்கும் ஸ்பெயினின் Rafael Nadal, தனது முதல் சுற்றில், அமெரிக்காவின் Marcos Giron-ஐ, 6-1, 6-4, 6-2 என்ற செட்களில் தோற்கடித்தார். கடந்த ஆண்டு பிரெஞ்ச் ஓபன் டென்னிஸ் போட்டியின் அரையிறுதியில், ஜோகோவிச்சிடம் தோல்வி கண்ட நடால் பங்கேற்றுள்ள முதல் கிராண்ட் ஸ்லாம் போட்டி இதுவாகும்.

மகளிர் ஒற்றையர் பிரிவில், நடப்பு சாம்பியனான ஜப்பானின் Naomi Osaka, உலகின் முதல்நிலை வீராங்கனையான ஆஸ்திரேலியாவின் Ashleigh Barty ஆகியோர், 2-வது சுற்றுக்கு முன்னேறினர்.

போட்டித் தரவரிசையில், 13-வது இடத்தில் இருக்கும் Osaka, 6-3, 6-3 என்ற நேர்செட்களில் கொலம்பியாவின் Camila Osorio-வை வென்றார்.

மற்றொரு முன்னணி வீராங்கனையான Ashleigh Barty, தனது முதல் சுற்றில் 6-0, 6-1 என்ற நேர் செட் கணக்கில் மிக எளிதாக உக்ரைனின் Lesia Tsurenko-வை வென்றார்.

முன்னாள் சாம்பியனான அமெரிக்காவின் சோஃபியா கெனின், முதல் சுற்றிலேயே தோல்வி அடைந்து வெளியேறினார்.