ஐ.சி.சி டெஸ்ட் தரவரிசைப் பட்டியலில், 3வது இடத்தில் இந்தியா - முதலிடத்தில் ஆஸ்திரேலியா
Jan 20 2022 6:58PM
எழுத்தின் அளவு:
அ +
அ -
அ
ஐ.சி.சி. வெளியிட்டுள்ள டெஸ்ட் தரவரிசைப் பட்டியலில், இந்தியா 2-ம் இடத்தில் இருந்து 3-வது இடத்திற்கு தள்ளப்பட்டுள்ளது.
சர்வதேச டெஸ்ட் தரவரிசைப் பட்டியலை ஐ.சி.சி. வெளியிட்டுள்ளது. இதில், சமீபத்தில் தென்னாப்பிரிக்காவுடன் நடைபெற்ற டெஸ்ட் தொடரை இந்தியா இழந்த காரணத்தால், 2-ம் இடத்தில் இருந்து 3-ம் இடத்திற்கு தள்ளப்பட்டுள்ளது. இங்கிலாந்துக்கு எதிரான ஆஷஸ் தொடரை ஆஸ்திரேலியா கைப்பற்றியதன் காரணமாக, முதலிடத்திற்கு முன்னேறியுள்ளது. பங்களாதேஷ் உடனான டெஸ்ட் தொடர் சமனில் முடிந்ததால், முதலிடத்தில் இருந்த நியூஸிலாந்து அணி 2-வது இடத்திற்கு இறங்கியுள்ளது. 4-வது இடத்தில் தென்னாப்பிரிக்காவும், 5-வது இடத்தில் இங்கிலாந்து அணியும், 6-வது இடத்தில் பாகிஸ்தான் அணிகளும் உள்ளன. ஸ்ரீலங்கா, வெஸ்ட் இண்டீஸ், பங்களாதேஷ், ஜிம்பாப்வே, அஃப்கனிஸ்தான் மற்றும் அயர்லாந்து அணிகள் முறையே அடுத்தடுத்த இடங்களைப் பிடித்துள்ளன.