காமன்வெல்த் தொடரின் ட்ரிபிள் ஜம்ப் போட்டியில் இந்தியாவுக்கு தங்கம் மற்றும் வெள்ளிப் பதக்கம் கிடைத்துள்ளது. ஆடவர் இரட்டையர் பிரிவு டேபிள் டென்னிஸ் போட்டியிலும் இந்தியா வெள்ளிப் பதக்கம் வென்றுள்ளது.

ட்ரிபிள் ஜம்ப் போட்டியில் இந்திய வீரர் எல்தோஸ் பால் 17.03 மீட்டர் தாண்டி தங்கப் பதக்கத்தையும், மற்றொரு இந்திய வீரர் அப்துல்லா அபுபக்கர் 17.02 மீட்டர் தாண்டி வெள்ளிப் பதக்கத்தை உறுதி செய்து அசத்தினர். காமன்வெல்த் போட்டிகளில் ஒரே பிரிவில் இந்தியாவுக்கு தங்கம் மற்றும் வெள்ளிப் பதக்கங்கள் கிடைத்திருப்பது இதுவே முதல்முறை.

ஆண்களுக்கான 10 ஆயிரம் மீட்டர் நடை போட்டியில் இந்திய வீரர் சந்தீப் குமார் வெண்கலப் பதக்கத்தை தன்வசப்படுத்தினார். இதேபோல் பெண்கள் ஈட்டி எறிதல் போட்டியில் அன்னு ராணி வெண்கலம் வென்று அசத்தியுள்ளார்.

மகளிர் குத்துச்சண்டை போட்டியின் 50 கிலோ எடைப்பிரிவில் இந்திய வீராங்கனை நிக்கத் சரீன், அயர்லாந்து வீராங்கனை மெக்னாலை வீழ்த்தி தங்கப் பதக்கத்தை தனதாக்கினார்.

இதேபோல் ஆடவர் இரட்டையர் பிரிவு டேபிள் டென்னிஸ் போட்டியில் இந்தியா வெள்ளிப் பதக்கம் வென்றுள்ளது. தமிழகத்தை சேர்ந்த சரத்கமல்-சத்யன் ஞானசேகரன் ஜோடி, இங்கிலாந்தின் Paul Drinkhall-Liam Pitchford ஜோடியை தோற்கடித்து வெள்ளிப் பதக்கத்தை வென்றது.