ஆசிய - பசிபிக் காதுகேளாதோர் பேட்மிண்டன் போட்டி : 6 பிரிவுகளிலும் தங்கம் வென்று தமிழக மாணவி ஜெர்லின் அனிகா சாதனை
Sep 21 2022 5:20PM
எழுத்தின் அளவு:
அ +
அ -
அ
தாய்லாந்தில் நடைபெற்ற ஆசிய - பசிபிக் காதுகேளாதோர் பேட்மிண்டன் போட்டியின் அனைத்து பிரிவுகளிலும் தங்கப் பதக்கம் வென்று தமிழக மாணவி ஜெர்லின் அனிகா சாதனை படைத்துள்ளார்.
ஆறாவது ஆசிய - பசிபிக் காது கேளாதோருக்கான பேட்மிண்டன் போட்டி கடந்த 14 முதல் 20 ஆம் தேதி வரை தாய்லாந்தில் நடைபெற்றது. இந்தப் போட்டியின் 6 பிரிவுகளிலும் தமிழ்நாட்டைச் சேர்ந்த மாற்றுத்திறனாளி மாணவி ஜெர்லின் அனிகா, தங்கம் வென்று சாதனை படைத்துள்ளார். ஒற்றையர் பிரிவு, இரட்டையர் பிரிவு மற்றும் கலப்பு இரட்டையர் பிரிவுகளின் இறுதிச் சுற்றில் ஜெர்லின் அனிகா தங்கப்பதக்கம் வென்றார். மேலும், இளையோர் மகளிர் பிரிவு, இளையோர் இரட்டையர் மற்றும் கலப்பு இரட்டையர் பிரிவுகளின் இறுதிச் சுற்றுகளிலும் தங்கம் வென்றுள்ளார்.