கால்பந்து பட்ஜெட் ரூ.18 லட்சம் கோடி : பணத்தை வாரி இறைக்கும் கத்தார் அரசு : போட்டியில் கடைசி இடம் பிடிக்கும் அணிக்கும் ரூ.74 கோடி
Nov 20 2022 5:20PM
எழுத்தின் அளவு:
அ +
அ -
அ
கத்தாரில் இன்று தொடங்கும் உலகக்கோப்பை கால்பந்து போட்டிக்கு அந்நாடு சுமார் 18 லட்சம் கோடி ரூபாயை செலவு செய்கிறது. இதற்கு முன் இவ்வளவு பெரிய தொகை கால்பந்து போட்டிக்கு செலவிடப்பட்டதில்லை. இந்த போட்டியில் சாம்பியன் பட்டம் வெல்லும் அணிக்கு 344 கோடி ரூபாயும், 2ம் இடம் பிடிக்கும் அணிக்கு 245 கோடி ரூபாயும், 3ம் இடம் பிடிக்கும் அணிக்கு 220 கோடி ரூபாயும் பரிசுத் தொகையாக வழங்கப்படுகிறது. சாம்பியன் பட்டம் வெல்லும் அணிக்கு வழங்கப்படும் உலகக்கோப்பை 6 கிலோ தங்கத்தை கொண்டு வடிவமைக்கப்பட்டுள்ளது. அதன் மதிப்பு மட்டும் 144 கோடி ரூபாயாகும். இந்த போட்டிகளில் பங்கேற்கும் அனைத்து அணிகளுக்கும் ரொக்கப் பரிசு வழங்கப்படுகிறது. கடைசி இடம் பிடிக்கும் அணிக்கும் 74 கோடி ரூபாய் வழங்கப்படும்.