உலக கோப்பை கால்பந்தில் அர்ஜென்டினாவை வீழ்த்திய சவுதி அரேபியா : சவுதியில் இன்று பொது விடுமுறை அறிவித்தார் மன்னர் சல்மான் - மகிழ்ச்சிக் கொண்டாட்டத்தில் அரேபிய நாடுகள்
Nov 23 2022 11:42AM
எழுத்தின் அளவு:
அ +
அ -
அ
உலக கோப்பை கால்பந்து லீக் போட்டியில் அர்ஜென்டினாவை வெற்றி கொண்டதை கொண்டாடும் விதமாக சவுதி அரேபியாவில் இன்று தேசிய பொது விடுமுறை அறிவிக்கப்பட்டுள்ளது. கால்பந்து ஜாம்பவானான அர்ஜென்டினாவை 51-வது இடத்தில் உள்ள சவுதி அரேபியா 1-க்கு 2 என்ற கோல் கணக்கில் வீழ்த்தியது. இது அர்ஜெண்டினாவை அதிர்ச்சியில் ஆழ்த்த, அரேபிய நாடுகள் கொண்டாடி வருகின்றன. சவுதி கால்பந்து அணியின் இந்த வரலாற்று வெற்றியை கொண்டாடும் விதமாக இன்று பள்ளி, கல்லூரி, தனியார் மற்றும் அரசு அலுவலகங்கள் என அனைவருக்கும் பொது விடுமுறை அறிவித்து சவுதி அரசர் சல்மான் பின் அப்துல் ஆசிஸ் உத்தரவிட்டுள்ளார். இதனைத் தொடர்ந்து சாலைகளில் ஆட்டம், பாட்டம் என மக்கள் உற்சாகக் கொண்டாட்டத்தில் ஈடுபட்டு வருகின்றனர்.