நியூசி.க்கு எதிரான முதல் ஒருநாள் கிரிக்கெட் போட்டியில் இந்தியா தோல்வி : 7 விக். வித்தியாசத்தில் நியூசி. அபார வெற்றி - 1-0 என்ற கணக்கில் தொடரில் முன்னிலை
Nov 25 2022 4:17PM
எழுத்தின் அளவு:
அ +
அ -
அ
இந்தியாவுக்கு எதிரான முதல் ஒருநாள் கிரிக்கெட் போட்டியில், 7 விக்கெட்டுகள் வித்தியாசத்தில் நியூசிலாந்து அணி அபார வெற்றி பெற்றது. ஆக்லாந்தில் நடைபெற்ற இப்போட்டியில், முதலில் பேட் செய்த இந்திய அணி நிர்ணயிக்கப்பட்ட 50 ஓவரில் 7 விக்கெட்டுகள் இழப்புக்கு 306 ரன்கள் எடுத்தது. அதிகபட்சமாக ஸ்ரேயாஷ் ஐயர் 80 ரன்களும், கேப்டன் ஷிகர் தவான் 72 ரன்களும், சுப்மான் கில் 50 ரன்களும் எடுத்தனர். பின்னர், 307 ரன்கள் எடுத்தால் வெற்றி என்ற இலக்குடன் களமிறங்கிய நியூசிலாந்து அணி, 47 புள்ளி 1 ஓவரில் 3 விக்கெட்டுகளை மட்டுமே இழந்து 309 ரன்கள் எடுத்து வெற்றி பெற்றது. டாம் லாதம், கடைசிவரை ஆட்டமிழக்காமல் 145 ரன்கள் எடுத்து அணியின் வெற்றிக்கு வித்திட்டார். இதன்மூலம், 3 போட்டிகள் கொண்ட தொடரில் 1-0 என்ற கணக்கில் நியூசிலாந்து அணி முன்னிலை பெற்றுள்ளது.