மகேந்திர சிங் தோனியின் பைசப்ஸ் புகைப்படம் வைரல் : தோனிக்கு வயதே ஆகவில்லை என ரசிகர்கள் கொண்டாட்டம்
Mar 17 2023 2:51PM
எழுத்தின் அளவு:
அ +
அ -
அ
ஐபிஎல் போட்டிகளுக்காக கடும் பயிற்சி மேற்கொள்ளும் மகேந்திர சிங் தோனியின் பைசப்ஸ் புகைப்படத்தை சென்னை சூப்பர் கிங்ஸ் அணி வெளியிட்டுள்ள நிலையில் அது வைரலாகி வருகிறது. 16 ஆவது ஐபிஎல் தொடர் இந்த மாதம் 31 ஆம் தேதி தொடங்குகிறது. முதல் ஆட்டத்தில் சென்னை சூப்பர் கிங்ஸ் அணி, குஜராத் டைட்டன்ஸ் அணியுடன் மோதுகிறது. சென்னை சூப்பர் கிங்ஸ் அணியை வழிநடத்தும் தோனி, ஐந்தாவது ஐபிஎல் பட்டத்தை வெல்வதில் உறுதியாக இருக்கிறார். இதற்காக தோனி பயிற்சி எடுத்து வரும் வீடியோக்களையும் புகைப்படத்தையும் சிஎஸ்கே அணி அவ்வப்போது வெளியிட்டு வருகிறது. அந்த வகையில் தோனியின் பைசப்ஸ் புகைப்படத்தைப் பார்த்து, இந்த வயதிலும் இப்படியா என்று அவரது ரசிகர்கள் ஆச்சரியமடைந்து வருகின்றனர்.