ஆசிய கோப்பை வில்வித்தையில் இந்தியா ஆதிக்கம் - 5 தங்கம் உட்பட மொத்தம் 10 பதக்கங்களுடன் முதலிடம் பிடித்து அசத்தல்
Mar 20 2023 12:16PM
எழுத்தின் அளவு:
அ +
அ -
அ
ஆசிய கோப்பை வில்வித்தைப் போட்டியில் ஆதிக்கம் செலுத்திய இந்தியா, பதக்கப்பட்டியலில் முதலிடம் பிடித்து அசத்தியுள்ளது. சீன தைபேயில் கடந்த 15ம் தேதி தொடங்கி நடைபெற்று வந்த ஆசிய கோப்பை வில்வித்தை ஸ்டேஜ்-1 போட்டி நேற்றுடன் நிறைவு பெற்றது. காம்பவுண்டு மற்றும் ரீகர்வ் என இரு பிரிவுகளாக போட்டிகள் நடத்தப்பட்டன. இதில், காம்பவுண்டு பிரிவில் 3 தங்கம், 3 வெள்ளி, ஒரு வெண்கலம் என 7 பதக்கங்களை இந்தியா வென்றது. இதேபோல், ரீகர்வ் பிரிவில் 2 தங்கம், ஒரு வெள்ளி என 3 பதங்களையும் இந்தியா வென்றது. மொத்தத்தில் ஆசிய கோப்பை வில்வித்தையில் ஆதிக்கம் செலுத்திய இந்தியா, 5 தங்கம், 4 வெள்ளி, ஒரு வெண்கலம் என மொத்தம் 10 பதக்கங்களுடன் பதக்கப்பட்டியலில் முதலிடம் பிடித்தது.