டி-20 தொடரில் பாக்.கிற்கு அதிர்ச்சி வைத்தியம் அளித்த ஆப்கன் : 3 போட்டிகளில் 2-ல் வெற்றி பெற்ற ஆப்கன் தொடரை வென்றது
Mar 27 2023 2:57PM
எழுத்தின் அளவு:
அ +
அ -
அ
ஷார்ஜாவில் நடைபெற்று வரும் 3 போட்டிகள் கொண்ட டி-20 தொடரில் 2 போட்டிகளில் வெற்றி பெற்று ஆப்கனிஸ்தான் அணி பாகிஸ்தானுக்கு அதிர்ச்சி அளித்தது. கடந்த மார்ச் 24ஆம் தேதி நடைபெற்ற முதல் போட்டியில் பாகிஸ்தான் தோற்ற நிலையில் நேற்று 2-வது டி-20 போட்டி நடைபெற்றது. இதில் டாஸ் வென்ற பாகிஸ்தான் பேட்டிங் செய்ய களமிறங்கியது. தொடக்க ஆட்டக்காரர் அயூப் டக் அவுட் ஆக, அடுத்தடுத்து விக்கெட்டுகளை இழந்து தடுமாறிய பாகிஸ்தான் அணி 20 ஓவர் முடிவில் 6 விக்கெட் இழப்புக்கு 130 ரன்களை மட்டுமே எடுத்தது. இதையடுத்து 131 ரன்கள் என்ற இலக்குடன் களமிறங்கிய ஆப்கனிஸ்தான் 19.5 ஓவர்களில் 3 விக்கெட் இழப்பிற்கு 133 ரன்கள் எடுத்து வெற்றி பெற்றது. இறுதி கட்டத்தில் பரபரப்பாக சென்ற போட்டியில் ஆப்கன் அணியின் நஜிபுல்லா ஜட்ரன் 12 பந்துகளில் 23 ரன்கள் குவித்து தங்கள் அணியை வெற்றி பெற வைத்தார்.