ஸ்பெயினில் நடைபெற்றுவரும் சைக்கிள் சுற்றுப் பயணத் தொடர் : 3-வது நிலை பந்தயத்தில் அந்நாட்டு வீரர் முதலிடம்
Mar 23 2017 12:09PM
எழுத்தின் அளவு:
அ +
அ -
அ
ஸ்பெயினில் நடைபெற்றுவரும் Catalonia சைக்கிள் சுற்றுப் பயணத் தொடரின், 3-வது நிலை பந்தயத்தில் அந்நாட்டு வீரர் Valverde முதலிடம் பிடித்தார்.
ஸ்பெயினில் நீண்டதூர சைக்கிள் பந்தயமான Catalonia சைக்கிள் சுற்றுப்பயணத் தொடர், பல்வேறு நிலைகளாக நடைபெறுகிறது. இதில், உலகின் முன்னணி சைக்கிள் பந்தய வீரர்கள் பங்கேற்றுள்ளனர். ஏற்கெனவே 2 நிலை பந்தயங்கள் முடிவுற்ற நிலையில், Mataro நகரம் முதல் La Molina வரை 188 புள்ளி 3 கிலோ மீட்டர் தூரத்திற்கு 3-வது நிலை பந்தயம் நேற்று நடைபெற்றது. இப்பந்தயத்தில், Movistar அணியைச் சேர்ந்த ஸ்பெயின் வீரர் Alejandro Valverd, பந்தய தூரத்தை 5 மணி 7 நிமிடம் 12 விநாடிகளில் கடந்து முதலிடம் பிடித்தார். Quick-Step அணியின் அயர்லாந்து வீரர் Daniel Martin 2-வது இடத்தையும், Orica-Scott அணியைச் சேர்ந்த பிரிட்டன் வீரர் Adam Yates 3-வது இடத்தையும் பிடித்தனர். இதனைத் தொடர்ந்து, லிவ்வியா முதல் எகுவாலாடா வரை 194 கிலோ மீட்டர் மீட்டர் தூரத்திற்கு, 4-வது நிலை பந்தயம் இன்று நடைபெறுகிறது.