இங்கிலாந்தில் நடைபெற்று வரும் உலக ஹாக்கி லீக் அரையிறுதி தொடர் : பி பிரிவு லீக் ஆட்டத்தில் இந்தியா - பாகிஸ்தான் அணிகள் இன்று மோதல்
Jun 18 2017 2:54PM
எழுத்தின் அளவு:
அ +
அ -
அ
இங்கிலாந்தில் நடைபெற்று வரும் உலக ஹாக்கி லீக் அரையிறுதி தொடரின் பி பிரிவு லீக் ஆட்டத்தில் இந்தியா - பாகிஸ்தான் அணிகள் இன்று மோதுகின்றன.
உலக ஹாக்கி லீக் அரையிறுதித் தொடர் இங்கிலாந்தில் நடைபெற்று வருகிறது. பி பிரிவில் இடம்பெற்றுள்ள இந்திய அணி, தனது முதல் லீக் ஆட்டத்தில் ஸ்காட்லாந்து அணியை 4-1 என்ற கோல் கணக்கில் வீழ்த்தியது. 2-வது லீக் ஆட்டத்தில் கனடாவை எதிர்கொண்ட இந்தியா, அபாரமாக விளையாடி 3-0 என்ற கோல் கணக்கில் வென்று, தொடர்ச்சியாக 2வது வெற்றியை பதிவு செய்து அசத்தியது. இந்திய வீரர்கள் சுனில், ஆகாஷ்தீப் சிங், சர்தார் சிங் ஆகியோர் கோல் அடித்தனர்.
இந்நிலையில், இப்போட்டித்தொடரின் 3-வது லீக் ஆட்டத்தில் இந்தியா இன்று பாகிஸ்தானை சந்திக்கிறது. லண்டனில் நடைபெறும் இப்போட்டி, இந்திய நேரப்படி மாலை 6.30 மணிக்கு தொடங்குகிறது. ஐசிசி சாம்பியன் கோப்பை இறுதிப்போட்டியில் இந்தியா-பாகிஸ்தான் இன்று மோதும் நிலையில், உலக ஹாக்கி தொடரிலும் இவ்விரு அணிகளும் மோதுவது விளையாட்டு ரசிகர்களிடையே பெரும் ஆவலை ஏற்படுத்தியுள்ளது.