ஹாலே ஓபன் டென்னிஸ் - முன்னணி வீரரான சுவிட்சர்லாந்தின் ரோஜர் ஃபெடரர் காலிறுதிக்கு முன்னேற்றம்
Jun 23 2017 10:22AM
எழுத்தின் அளவு:
அ +
அ -
அ
ஹாலே ஓபன் டென்னிஸ் தொடரில், முன்னணி வீரரான சுவிட்சர்லாந்தின் ரோஜர் ஃபெடரர், ஜெர்மனியின் Zverev-வை வென்று காலிறுதிக்கு முன்னேறியுள்ளார்.
ஜெர்மனியின் ஹாலே நகரில் நடைபெற்றுவரும் ATP அந்தஸ்துபெற்ற இத்தொடர், தற்போது விறுவிறுப்பான கட்டத்தை எட்டியுள்ளது. நேற்று நடைபெற்ற ஆடவர் ஒற்றையர் பிரிவு 2-வது சுற்று ஆட்டத்தில், 18 முறை கிராண்ட் ஸ்லாம் பட்டம் வென்றவரும், ஹாலே ஓபன் தொடருக்கான தரவரிசையில் முதலிடத்தில் உள்ளவருமான சுவிட்சர்லாந்தின் ரோஜர் ஃபெடரர், ஜெர்மனியின் Mischa Zverev-வை எதிர்கொண்டார். இப்போட்டியில், ஆரம்பம் முதலே தனது அபார சர்வீஸ்கள் மூலம் Zverev-வை திணறடித்த ஃபெடரர், 7-6, 6-4 என்ற நேர் செட்கணக்கில் வெற்றிபெற்று காலிறுதிக்கு முன்னேறினார். இன்று நடைபெறும் காலிறுதி ஆட்டத்தில், நடப்பு சாம்பியனான ஜெர்மனியின் Florian Mayer-ஐ ஃபெடரர் சந்திக்கிறார்.
மற்றொரு 2-வது சுற்று ஆட்டத்தில், ஜப்பானின் கீ நிஷிகோரியும், ரஷ்யாவின் Karen Khachanov-வும் மோதினர். இப்போட்டியின் முதல் செட்டில் 3-2 என்ற கணக்கில் Khachanov முன்னிலையில் இருந்த நிலையில், காயம் காரணமாக நிஷிகோரி வெளியேறினார். இதனையடுத்து, Khachanov வெற்றிபெற்றதாக அறிவிக்கப்பட்டார். இன்று நடைபெறும் காலிறுதி ஆட்டத்தில், சகநாட்டு வீரர் Andrey Rublev-வுடன் Khachanov மோதுகிறார்.