இந்திய கிரிக்கெட் அணியின் தலைமை பயிற்சியாளர் பொறுப்புக்கு புதிதாக விண்ணப்பிப்பதற்கான கால அவகாசத்தை ஜுலை 9-ம் தேதி வரை நீட்டித்துள்ளது பி.சி.சி.ஐ.
Jun 24 2017 1:23PM
எழுத்தின் அளவு:
அ +
அ -
அ
இந்திய கிரிக்கெட் அணி கேப்டன் விராட் கோலிக்கும், பயிற்சியாளர் கும்ப்ளேவுக்கும் இடையே கருத்து வேறுபாடு ஏற்பட்டது. இதனால் புதிய பயிற்சியாளர் தேர்வுக்கு கிரிக்கெட் வாரியம் ஏற்பாடு செய்தது.
இதற்கு கும்ப்ளேவும் விண்ணப்பித்து இருந்தார். பயிற்சியாளரை தேர்வு செய்யும் தெண்டுல்கர், கங்குலி, லட்சுமணன் ஆகியோர் கொண்ட குழு கும்ப்ளேவை வெஸ்ட் இண்டீஸ் தொடருக்கும் பயிற்சியாளராக இருக்கும்படி கேட்டு கொண்டது. அதற்கு முதலில் சம்மதித்த அவர், திடீரென்று பயிற்சியாளர் பதவியில் இருந்து விலகுவதாக அறிவித்தார்.
இதனால் தலைமை பயிற்சியாளர் இல்லாமலே இந்திய அணி, வெஸ்ட் இண்டீஸ் சென்றுள்ளது. விராட் கோலியுடன் ஏற்பட்ட கருத்து வேறுபாடு காரணமாகவே அவர் விலகியது உறுதியானது.
இந்நிலையில், தலைமை பயிற்சியாளர் பதவிக்கு விண்ணப்பிக்க கால அவகாசத்தை ஜுலை 9-ம் தேதி வரை நீட்டித்து பி.சி.சி.ஐ அறிவித்துள்ளது.