Halle Open டென்னிஸ் போட்டியில் சுவிட்ஸர்லாந்தின் ரோஜர் ஃபெடரர் 9-வது முறையாக சாம்பியன் பட்டம் வென்று சாதனை
Jun 26 2017 2:29PM
எழுத்தின் அளவு:
அ +
அ -
அ
Halle Open டென்னிஸ் போட்டியில், சுவிட்ஸர்லாந்தின் ரோஜர் ஃபெடரர், 9-வது முறையாக சாம்பியன் பட்டம் வென்று சாதனைப் படைத்துள்ளார்.
ஜெர்மனியின் Halle நகரில், நேற்று நடைபெற்ற இந்தப் போட்டியின் இறுதியாட்டத்தில், 18 முறை Grandslam பட்டம் வென்ற சுவிட்ஸர்லாந்தின் Roger Federer, ஜெர்மனியைச் சேர்ந்த Alexander Zverev-ஐ எதிர்கொண்டார். விறுவிறுப்பாக நடைபெற்ற இந்தப் போட்டியில், தனது அனுபவ ஆட்டத்தால் அதிரடியாக விளையாடிய Federer, 6-1, 6-3 என்ற நேர் செட்கணக்கில் எளிதில் வெற்றி பெற்று, சாம்பியன் பட்டம் வென்றார்.
இந்த வெற்றியின் மூலம் Halle Open சாம்பியன் பட்டத்தை 9-வது முறையாக வென்று, Roger Federer சாதனை படைத்துள்ளார். இதனிடையே, விளம்பிள்டன் டென்னிஸ் தொடரின் பயிற்சி ஆட்டமான, Queen's Club டென்னிஸ் போட்டி லண்டனில் நடைபெற்றது. இதன் இறுதியாட்டத்தில், குரோஷியாவின் Marin Cilic, ஸ்பெயின் வீரர் Feliciano Lopez-ஐ எதிர்கொண்டார். இதில் சிறப்பாக விளையாடிய Lopez, 4-6, 7-6, 7-6 என்ற செட்கணக்கில் வெற்றிபெற்று சாம்பியன் பட்டம் வென்றார்.
மகளிருக்கான Aegon Classic டென்னிஸ் போட்டி, இங்கிலாந்தின் Birmingham நகரில் நடைபெற்றது. இதில், செக் குடியரசின் Petra Kvitova, ஆஸ்திரேலிய வீராங்கனை Ashleigh Barty-ஐ, 4-6, 6-3, 6-2 என்ற செட்கணக்கில் தோற்கடித்து, சாம்பியன் பட்டம் வென்றார்.