ஆசிய உள்விளையாட்டு அரங்க தடகள போட்டி : ஆண்களுக்கான 3 ஆயிரம் மீட்டர் ஓட்டத்தில் இந்தியா சார்பில் பங்கேற்ற தமிழக வீரர் லட்சுமணன் தங்கப்பதக்கம் வென்று சாதனை
Sep 20 2017 2:01PM
எழுத்தின் அளவு:
அ +
அ -
அ
ஆசிய உள்விளையாட்டு அரங்க தடகள போட்டியில் ஆண்களுக்கான 3 ஆயிரம் மீட்டர் ஓட்டத்தில் இந்தியா சார்பில் பங்கேற்ற தமிழக வீரர் லட்சுமணன் தங்கப்பதக்கம் வென்று சாதனை படைத்துள்ளார்.
5-வது ஆசிய உள்விளையாட்டு அரங்க தடகளம் மற்றும் தற்காப்பு கலை போட்டி துர்க்மெனிஸ்தானில் நடந்து வருகிறது. இதில் நேற்று நடந்த ஆடவருக்கான 3 ஆயிரம் மீட்டர் ஓட்டத்தில் இந்தியா சார்பில் பங்கேற்ற தமிழக வீரர் லட்சுமணன் 8 நிமிடங்கள் 2 புள்ளி 30 வினாடியில் பந்தய தூரத்தை கடந்து தங்கப்பதக்கம் தட்டிச்சென்றார்.
சவுதிஅரேபியா வீரர் தாரிக் அகமது வெள்ளிப்பதக்கமும், ஈரானின் கிஹானி உசேன் வெண்கலப்பதக்கமும் பெற்றனர். பெண்களுக்கான ஆயிரத்து 500 மீட்டர் ஓட்டப்பந்தயத்தில் இந்திய வீராங்கனை சித்ரா 4 நிமிடம் 27 புள்ளி 32 வினாடியில் பந்தய தூரத்தை எட்டி தங்கப்பதக்கத்தை கைப்பற்றினார்.