தென்ஆப்பிரிக்கா செல்லும் இந்திய அணி 3 டெஸ்ட் 6 ஒருநாள் மற்றும் 3 டி20 போட்டிகளில் விளையாடுகிறது - ஜனவரி மாதம் 5-ந்தேதி தொடங்குகிறது
Sep 22 2017 11:59AM
எழுத்தின் அளவு:
அ +
அ -
அ
தென்ஆப்பிரிக்கா செல்லும் இந்திய அணி 3 டெஸ்ட், 6 ஒருநாள் மற்றும் 3 டி20 போட்டிகளில் விளையாடுகிறது. இந்த தொடர் வரும் ஜனவரி மாதம் 5-ந்தேதி தொடங்குகிறது.
அடுத்த வருட தொடக்கத்தில் இந்திய கிரிக்கெட் அணி தென்ஆப்பிரிக்கா செல்லவிருக்கிறது. மூன்று வகை கிரிக்கெட் தொடர்களையும் நடத்த இரு நாட்டு கிரிக்கெட் வாரியத்திற்கிடையே பேச்சுவார்த்தை நடைபெற்றது. அதன்படி மூன்று போட்டிகள் கொண்ட டெஸ்ட் தொடர், 6 போட்டிகள் கொண்ட ஒருநாள் தொடர் மற்றும் 3 போட்டிகள் கொண்ட டி20 கிரிக்கெட் தொடர்களை நடத்த இருநாட்டு கிரிக்கெட் வாரியமும் ஒப்புக் கொண்டன. அதன்படி டெஸ்ட் தொடர் வரும் ஜனவரி மாதம் 5-ந்தேதி கேப்டவுனில் தொடங்குகிறது. இதில் பங்கேற்பதற்காக இந்திய அணி டிசம்பர் 28-ந்தேதி தென்ஆப்பிரிக்கா சென்றடைகிறது. 30 மற்றும் 31-ந்தேதி நடைபெறும் இரண்டு நாட்கள் கொண்ட பயிற்சி ஆட்டத்தில் பங்கேற்கிறது.