ஹைதராபாத்தில் நடைபெற்ற இரண்டாவது டெஸ்ட் போட்டியில் இந்திய அணி 10 விக்கெட்டுகள் வித்தியாசத்தில் அபார வெற்றி பெற்றுள்ளது.

போட்டியின் மூன்றாம் நாளான இன்று இந்திய அணி முதல் இன்னிங்சில் 56 ரன்களுக்கு எஞ்சிய 6 விக்கெட்டுகளை இழந்தது 367 ரன்களை எடுத்தது. அதனை தொடர்ந்து இரண்டாவது இன்னிங்சை தொடங்கிய வெஸ்ட் இண்டீஸ் அணி இந்திய பந்து வீச்சாளர்களை சமாளிக்க முடியாமல் 127 ரன்களுக்கு அனைத்து விக்கெட்டுகளையும் இழந்தது. ஜடேஜா 3 விக்கெட்டுகளையும், உமேஷ் யாதவ் 4 விக்கெட்டுகளையும் சாய்த்தனர். 56 ரன்கள் முன்னிலை பெற்ற நிலையில் 71 ரன்கள் எடுத்தால் வெற்றி என்ற இலக்குடன் இந்தியா இரண்டாவது இன்னிங்சை தொடங்கியது. தொடக்கம் முதலே கே.எல்.ராகுல் பிரித்வி ஷா இருவரும் அடித்து ஆடினர். முடிவில் இந்திய அணி விக்கெட் இழப்பின்றி இலக்கை எட்டியது. பிரித்வி ஷா, ராகுல் இருவரும் தலா 33 ரன்களை எடுத்தனர். இதன் மூலம் இரண்டு போட்டிகள் கொண்ட தொடரை இந்தியா 2-0 என்ற கணக்கில் வென்றது.