பாரீஸ் மாஸ்டர்ஸ் டென்னிஸ் போட்டி : ஜோகோவிச்சை வீழ்த்தி கரேன் கச்சனோவ் சாம்பியன்
Nov 5 2018 12:34PM
எழுத்தின் அளவு:
அ +
அ -
அ
பாரீஸ் மாஸ்டர்ஸ் டென்னிஸ் தொடரின் இறுதியாட்டத்தில், முன்னணி வீரரான Novak Djokovic-ஐ, அதிர்ச்சி தோல்வியடைய செய்து, ரஷ்யாவைச் சேர்ந்த Karen Khachanov சாம்பியன் பட்டத்தை கைப்பற்றினார்.
ஃபிரான்ஸ் தலைநகர் பாரீஸ் நகரில் நடைபெற்ற இப்போட்டியின் இறுதியாட்டத்தில், உலக தரவரிசையில் 2-ஆம் நிலையில் உள்ள செர்பியாவின் Novak Djokovic, தரவரிசையில் இடம்பெறாத ரஷ்ய வீரர் Karen Khachanov-வை எதிர்கொண்டார். இப்போட்டியில், தனது அனுபவ ஆட்டத்தால் Djokovic எளிதாக வெற்றிபெற்று சாம்பியன் பட்டத்தை கைப்பற்றுவார் என எதிர்பார்க்கப்பட்டது. ஆனால், அவருக்கு அதிர்ச்சி அளிக்கும் வகையில், Khachanov அதிரடி ஆட்டத்தை வெளிப்படுத்தி திணறடித்தார். இதனால், 7-5, 6-4 என்ற நேர் செட்கணக்கில் ஜோகோவிச்சை தோற்கடித்து, முதன்முறையாக சாம்பியன் பட்டம் வென்று Khachanov அசத்தினார்.