உலககோப்பை ஹாக்கி தொடர் : இந்தியா - பெல்ஜியம் அணிகளுக்கு இடையேயான ஆட்டம் சமன்
Dec 3 2018 11:02AM
எழுத்தின் அளவு:
அ +
அ -
அ
ஒடிஷாவில் நடைபெற்று வரும் உலககோப்பை ஹாக்கி தொடரில், இந்தியா - பெல்ஜியம் அணிகளுக்கு இடையேயான ஆட்டம் சமனில் முடிவடைந்தது.
14-வது உலக கோப்பை ஆடவர் ஹாக்கி போட்டித் தொடர், ஒடிசா மாநில தலைநகர் புவனேஸ்வரத்தில் உள்ள கலிங்கா மைதானத்தில் நடைபெற்று வருகிறது. இதில் சி பிரிவில் இடம் பெற்றுள்ள இந்தியா, பெல்ஜியம் அணிகள் நேற்று மோதின. ஆட்டத்தின் 8-வது நிமிடத்தில் பெல்ஜியம் வீரர் அலெக்சாண்டர் ஹென்ரிக்ஸ் ஒரு கோல் அடித்து தனது அணியை முன்னிலைப்படுத்தினார். ஆட்டத்தின் இரண்டாவது பாதியில் இந்தியாவின் ஹர்மன்பிரித் சிங், சிம்ரன் ஜித் சிங் ஆகியோர் அடுத்தடுத்து கோல் அடித்ததால், இந்தியா 2-1-க்கு என முன்னிலை பெற்றது. திடீர் திருப்பதாக, 58-வது நிமிடத்தில் பெல்ஜியத்தின் சைமன் குக்னார்ட் கோல் அடித்ததால் ஆட்டம் சமனானது. இறுதிவரை கோல் ஏதுவும் அடிக்க முடியாததால், இப்போட்டி 2-க்கு 2 என சமனில் முடிந்தது. வரும் 8-ஆம் தேதி, இந்தியா தனது 3-வது லீக் ஆட்டத்தில் கனடாவை எதிர்கொள்கிறது.