உலக கோப்பை ஆக்கி போட்டி : நியூசிலாந்து அணியை - அர்ஜென்டினா அணி 3-0 புள்ளி கணக்கில் வீழ்த்தியது
Dec 4 2018 11:25AM
எழுத்தின் அளவு:
அ +
அ -
அ
உலக கோப்பை ஆக்கி போட்டியின் லீக் ஆட்டத்தில் 3-0 என்ற கோல் கணக்கில் நியூசிலாந்து அணியை, அர்ஜென்டினா அணி வீழ்த்தியது.
16 அணிகள் பங்கேற்றுள்ள 14-வது உலக கோப்பை ஆக்கி போட்டி ஒடிசா மாநிலம் புவனேஸ்வரத்தில் நடந்து வருகிறது. 4 பிரிவாக பிரிக்கப்பட்டுள்ள அணிகள் லீக் ஆட்டத்தில் மோதி வருகின்றன. இதில் நேற்று நடந்த லீக் ஆட்டம் ஒன்றில், ஒலிம்பிக் சாம்பியனும், உலக தரவரிசையில் 2-வது இடத்தில் இருக்கும் அர்ஜென்டினா அணியும், 9-வது இடத்தில் உள்ள நியூசிலாந்து அணியும் மோதின. விறு, விறுப்பான இந்த ஆட்டத்தில், 3-0 என்ற கோல் கணக்கில் நியூசிலாந்து அணியை வீழ்த்தி, அர்ஜென்டின 2-வது வெற்றியை பதிவு செய்தது. இந்த வெற்றியின் மூலம் அர்ஜென்டினா அணி நேரடியாக கால்இறுதிக்கு தகுதி பெறுவது உறுதியானது.
இதையடுத்து, இன்று நடைபெறும் லீக் ஆட்டங்களில் இங்கிலாந்து-ஆஸ்திரேலியா மற்றும் அயர்லாந்து-சீனா ஆகிய அணிகள் மோதுகின்றன.