உலக கோப்பை கிரிக்கெட் தொடரில், இங்கிலாந்துக்‍கு எதிரான லீக்‍ ஆட்டத்தில், பாகிஸ்தான் அணி 14 ரன் வித்தியாசத்தில் வெற்றி பெற்றது.

உலக கோப்பை கிரிக்கெட் தொடரில், லண்டனில் நேற்று நடைபெற்ற 6-வது லீக் ஆட்டத்தில் இங்கிலாந்து - பாகிஸ்தான் அணிகள் மோதின. இதில் டாஸ் வென்ற இங்கிலாந்து அணி, முதலில் பந்துவீச்சை தேர்வு செய்தது. இதையடுத்து களம் இறங்கிய பாகிஸ்தான் அணி நிர்ணயிக்கப்பட்ட 50 ஓவரில் 8 விக்கெட் இழப்புக்கு 348 ரன்களை எடுத்தது. அதிகபட்சமாக Mohammad Hafeez 84 ரன்கள் குவித்தார். இங்கிலாந்து தரப்பில் Chris Woakes, Moeen Ali ஆகியோர் தலா 3 விக்‍கெட்டுகளை வீழ்த்தினர்.

349 ரன்கள் எடுத்தால் வெற்றி என்ற இலக்குடன் பின்னர் களம் இறங்கிய இங்கிலாந்து அணியின் பேட்ஸ்மேன்களான ஜேசன் ராய் மற்றும் ஈயான் மோர்கன் ஆகியோர் சொற்ப ரன்களில் ஆட்டமிழக்க, ஜோஸ் பட்லர் மற்றும் ஜோ ரூட் கூட்டணி அணியை சரிவிலிருந்து மீட்டனர். ஜோ ரூட் சதம் 107 ரன்களிலும், ஜோஸ் பட்லர் 103 ரன்னிலும் ஆட்டமிழந்தனர். இறுதியில் 50 ஓவர்கள் முடிவில் 9 விக்கெட்டுகளை இழந்து 334 ரன்கள் மட்டுமே எடுத்து, 14 ரன் வித்தியாசத்தில் இங்கிலாந்து அணி தோல்வியடைந்தது. பாகிஸ்தான் வீரர் Wahab Riaz 3 விக்‍கெட்டுகளை வீழ்த்தினார்.