உலகக்கோப்பை கிரிக்கெட் - அஃப்கானிஸ்தானுக்கு எதிரான லீக் ஆட்டத்தில், வெஸ்ட் இண்டீஸ் அணி 23 ரன்கள் வித்தியாசத்தில் வெற்றி
Jul 5 2019 3:51PM
எழுத்தின் அளவு:
அ +
அ -
அ
உலகக்கோப்பை கிரிக்கெட் தொடரில், அஃப்கானிஸ்தான் அணிக்கு எதிரான லீக் ஆட்டத்தில், வெஸ்ட் இண்டீஸ் அணி 23 ரன்கள் வித்தியாசத்தில் வெற்றிபெற்றது.
உலகக்கோப்பை கிரிக்கெட் போட்டியின் 42-வது லீக் ஆட்டம் நேற்று நடைபெற்றது. Leeds-ல் உள்ள மைதானத்தில் நடைபெற்ற இந்தப் போட்டியில், அஃப்கானிஸ்தான், வெஸ்ட் இண்டீஸ் அணிகள் மோதின. டாஸ் வென்ற வெஸ்ட் இண்டீஸ் அணி பேட்டிங்கை தேர்வு செய்தது. 50 ஓவர்கள் முடிவில் 6 விக்கெட்டுகளை இழந்து 311 ரன்களை எடுத்தது. அஃப்கானிஸ்தான் அணியில் தவ்லத் ஜட்ரன் 2 விக்கெட்டுகளும், ரஷித்கான், முகமது நபி, சையத் ஆகியோர் தலா ஒரு விக்கெட்டும் வீழ்த்தினர். 312 ரன்கள் எடுத்தால் வெற்றி என்ற இலக்குடன் களமிறங்கிய அஃப்கானிஸ்தான் அணி, 50 ஓவர்கள் முடிவில் அனைத்து விக்கெட்டுகளையும் இழந்து 288 ரன்களை எடுத்தது. வெஸ்ட் இண்டீஸ் அணியின் பிராத்வெய்ட் 4 விக்கெட்டுகளையும், கெமார் ரோச் 3 விக்கெட்டுகளையும் கைப்பற்றினர். இதன்மூலம் வெஸ்ட் இண்டீஸ் அணி 23 ரன்கள் வித்தியாசத்தில் வெற்றிபெற்றது.