இந்தியா - வெஸ்ட் இண்டீஸ் இடையேயான இரண்டாவது டி20 போட்டி - தொடரை கைப்பற்றுமா இந்திய அணி?
Dec 8 2019 11:32AM
எழுத்தின் அளவு:
அ +
அ -
அ
இந்தியா - வெஸ்ட் இண்டீஸ் இடையேயான, இரண்டாவது டி20 போட்டி, கேரள மாநிலம் திருவனந்தபுரத்தில் இன்று நடைபெற உள்ளது.
இந்தியா வந்துள்ள வெஸ்ட் இண்டீஸ் கிரிக்கெட் அணி, மூன்று டி20, மூன்று ஒருநாள் போட்டிகள் கொண்ட தொடரில் விளையாடி வருகிறது. இதன்படி, தெலங்கானா மாநிலம் ஐதராபாத்தில் நடைபெற்ற முதல் டி20 போட்டியில், கேப்டன் விராட் கோலியின் அதிரடி ஆட்டத்தால், இந்திய அணி அபார வெற்றி பெற்றது.
இந்நிலையில் இன்று, இந்தியா - வெஸ்ட் இண்டீஸ் அணிகளுக்கு எதிரான இரண்டாவது டி20 போட்டி, கேரள மாநிலம் திருவனந்தபுரத்தில், இரவு 7 மணிக்கு நடைபெற உள்ளது. முதல் போட்டியில் அடைந்த தோல்விக்கு பதிலடி கொடுக்க, வெஸ்ட் இண்டீஸ் அணியின் வீரர்கள் தீவிரமாக உள்ளனர். இந்த போட்டியிலும் வெற்றி பெற்று, தொடரை கைப்பற்றும் எண்ணத்தில், இந்திய வீரர்கள் உள்ளனர். தொடரை சமன் செய்ய வேண்டும் என்ற நோக்கத்தில், வெஸ்ட் இண்டீஸ் அணியின் வீரர்களும் திறமையை வெளிப்படுத்துவார்கள் என்பதால், இந்த போட்டியில் விறுவிறுப்புக்கு பஞ்சமிருக்காது.