எடப்பாடி எடப்பாடி அரசு அறிவித்துள்ள 2 ஆயிரம் ரூபாய் வழங்குவதற்கான கணக்‍கெடுப்பு நடத்த வந்த அதிகாரிகளை, தூத்துக்‍குடியில் பொதுமக்‍கள் விரட்டியடித்த சம்பவம் பரபரப்பை ஏற்படுத்தியுள்ளது.

தமிழகத்தில் வறுமைக்‍கோட்டிற்கு கீழேயுள்ள ஏழை மக்‍களுக்‍கு 2 ஆயிரம் ரூபாய் வழங்கப்படும் என அறிவிக்‍கப்பட்டுள்ள நிலையில், இதற்காக தூத்துக்‍குடி மாநகராட்சியில் உள்ள ராஜகோபால் நகருக்‍கு அதிகாரிகள் விண்ணப்பப் படிவங்களுடன் கணக்‍கெடுப்பு நடத்தச் சென்றனர். ஆனால், அப்பகுதி மக்‍கள் தங்களுக்‍கு 2 ஆயிரம் ரூபாய் தேவையில்லை என்றும், குடிநீர், சாலை போன்ற அடிப்படை வசதிகளை செய்துகொடுக்‍க வேண்டும் என்றும், குடிநீர், சொத்துவரி போன்றவற்றை குறைக்‍கவேண்டும் என்றும் ஆவேசமாகத் தெரிவித்தனர். மேலும், அடிப்படை வசதிகளை செய்து கொடுத்துவிட்டு, இப்பகுதிக்‍கு வாருங்கள் என அதிகாரிகளை திருப்பி அனுப்பினர்.

பணம் வழங்குவதற்காக கணக்‍கெடுப்பதற்காக வந்த அதிகாரிகளை பொதுமக்‍கள் விரட்டியடித்த சம்பவம், அப்பகுதியில் பெரும் பரபரப்பை ஏற்படுத்தியது.