கழக பணிகளை விரைந்து செயல்படுத்துவதற்கு ஏதுவாக தஞ்சை தெற்கு ஒன்றியக் கழகத்தை அமைப்பு ரீதியாக, இரண்டாகப் பிரித்து கழக துணைபொதுச் செயலாளர் திரு.டிடிவி தினகரன் அறிவித்துள்ளார்.

அம்மா மக்கள் முன்னேற்றக்கழக தலைமைக் கழகம் வெளியிட்டுள்ள அறிவிப்பில், தஞ்சாவூர் தெற்கு மாவட்டத்திற்கு உட்பட்டு செயல்பட்டு வரும் தஞ்சாவூர் தெற்கு ஒன்றியத்தின் கழகப் பணிகளை விரைந்து ஆற்றுவதற்கு ஏதுவாக, அமைப்பு ரீதியாக தஞ்சாவூர் மத்திய ஒன்றியம், தஞ்சாவூர் தெற்கு ஒன்றியம் என இரண்டு ஒன்றியங்களாக பிரிக்கப்படுவதாகவும், சம்பந்தப்பட்ட ஊராட்சி மற்றும் உட்கிளைகள் இதன் அடிப்படையில் செயல்படும் என்றும் கழக துணைபொதுச் செயலாளர் திரு.டிடிவி தினகரன் அறிவித்துள்ளதாக தெரிவிக்கப்பட்டுள்ளது. தஞ்சாவூர் மத்திய ஒன்றியக் கழக செயலாளராக திரு.ஜெ.எ.செந்தில்வேலனையும், தஞ்சாவூர் தெற்கு ஒன்றியக் கழக செயலாளராக திரு.கெ.முத்தழகனையும் நியமித்து கழக துணைபொதுச் செயலாளர் திரு.டிடிவி தினகரன் அறிவித்துள்ளார். புதிய நிர்வாகிகளுக்கு கழக உடன்பிறப்புகளும், சம்மந்தப்பட்ட ஒன்றிய கழக செயலாளர்களும் முழு ஒத்துழைப்பு நல்கி கழகப் பணிகளை ஆற்ற வேண்டும் என திரு.டிடிவி.தினகரன் கேட்டுக் கொண்டுள்ளார்.