மோடியின் ஆட்சியில் தமிழக உரிமைகள் பாதிக்‍கப்பட்டுள்ளதாக கழக துணைப் பொதுச் செயலாளர் திரு.டிடிவி தினகரன் குற்றம்சாட்டியுள்ளார்.

கழக துணைப் பொதுச் செயலாளர் திரு.டிடிவி தினகரன், சென்னை அடையாறில் செய்தியாளர்களை சந்தித்தபோது, மக்‍கள் தங்களுடன் இருப்பதாகவும், தங்களுடைய செயல்பாடுகளை அவர்கள் பெரிதும் எதிர்பார்ப்பதாகவும் தெரிவித்தார்.

இதனைத் தொடர்ந்து, சென்னை அடையாறில் தாமோதரபுரத்தில் உள்ள மாநகராட்சி நடுநிலைப்பள்ளியில் உள்ள வாக்‍குச்சாவடிக்‍குச் சென்று திரு.டிடிவி தினகரன் வாக்‍களித்தார்.

இதன் பின்னர் செய்தியாளர்களிடம் பேசிய அவர், தமிழக உரிமைகள் பாதுகாக்‍கப்பட வேண்டும் என்பதே மக்‍களின் ஒட்டுமொத்த எண்ணமாக உள்ளது என தெரிவித்தார்.

ஆண்டிப்பட்டியில் அ.தி.மு.க.வினருக்‍கு சொந்தமான கட்டடத்தில் எப்படி அம்மா மக்‍கள் முன்னேற்றக்‍ கழகத்தினர் பணம் வைக்‍க முடியும் என திரு.டிடிவி தினகரன் கேள்வி எழுப்பினார். அந்த கட்டடத்தில் வைக்‍கப்பட்டிருந்த பணத்தை அ.தி.மு.க.வினர் விநியோகம் செய்யும்போது தடுத்ததற்காகவே அம்மா மக்‍கள் முன்னேற்றக்‍ கழகத்தினர் மீது வழக்‍கு தொடரப்பட்டுள்ளதாகவும் திரு.டிடிவி தினகரன் குற்றம்சாட்டினார்.