கமல்ஹாசனின் நாக்கை அறுப்பேன் என வன்முறையை தூண்டும் வகையில் பேசிய அமைச்சர் மீது நடவடிக்கை எடுக்க வலியுறுத்தல் : மக்கள் நீதி மய்யம் சார்பில் புகார் மனு
May 22 2019 1:41PM
எழுத்தின் அளவு:
அ +
அ -
அ
கமல்ஹாசனின் நாக்கை அறுப்பேன் என வன்முறையை தூண்டும் வகையில் பேசிய அமைச்சர் ராஜேந்திர பாலாஜி மீது நடவடிக்கை எடுக்க வலியுறுத்தி, மக்கள் நீதி மய்யம் சார்பில் திண்டுக்கல் மாவட்ட காவல் கண்காணிப்பாளர் அலுவலகத்தில் புகார் மனு அளிக்கப்பட்டது.
திண்டுக்கல் மாவட்ட காவல் கண்காணிப்பாளர் அலுவலகத்தில், மக்கள் நீதி மய்யம் மாவட்ட நிர்வாகிகள் இதுதொடர்பாக புகார் மனு அளித்தனர். அதில், நடிகர் கமல்ஹாசனை அமைச்சர் ராஜேந்திர பாலாஜி வரம்பு மீறி பேசியதாகவும், இவரது பேச்சு வன்முறையை தூண்டும் வகையில் உள்ளதாகவும் குறிப்பிடப்பட்டுள்ளது. எனவே அமைச்சர் மீது நடவடிக்கை எடுத்து, அவர் மீது வழக்குப்பதிவு செய்ய வேண்டும் என புகாரில் வலியுறுத்தப்பட்டுள்ளது.