திருச்சியில் வைக்கோல் ஏற்றிச் சென்ற வேனில் தீ : போராடி தீயை அணைத்த தீயணைப்புத்துறையினர்
Feb 16 2020 5:00PM
எழுத்தின் அளவு:
அ +
அ -
அ
திருச்சி மணப்பாறை அருகே வைக்கோல் ஏற்றிச் சென்ற வேனில் தீப்பற்றி எரிந்ததால் பரபரப்பு ஏற்பட்டது. புதுக்கோட்டை மாவட்டம், கிளிக்குடி பகுதியில் இருந்து திருச்சி மாவட்டம், துவரங்குறிச்சி பகுதிக்கு வைக்கோல் ஏற்றிக் கொண்டு வேன் ஒன்று சென்று கொண்டிருந்தது. மணப்பாறையை அடுத்த ஊனையூர் அருகே வேன் சென்று கொண்டிருந்த போது எதிர்பாராத விதமான வைக்கோல் மீது மின்கம்பி உரசியது. உடனடியாக வேனை நிறுத்திய ஓட்டுநர் பொதுமக்கள் உதவியுடன் தீயணைப்பு துறையினருக்கு தகவல் தெரிவித்தார். தகவலின் பேரில் இலுப்பூர் தீயணைப்பு துறையினரும், துவரங்குறிச்சி தீயணைப்பு துறையினரும் சம்பவ இடத்திற்கு சென்று கடுமையான போராடி தீயை அணைத்தனர்.