மாண்புமிகு அம்மாவின் பிறந்தநாளை ஒட்டி, நெல்லை மாவட்டம் கங்கை கொண்டானில் நடைபெறவுள்ள பொதுக்கூட்டத்தில் கலந்துகொள்வதற்காக, நெல்லை வந்துள்ள கழக பொதுச்செயலாளர் திரு.டிடிவி தினகரனுக்கு, கழக நிர்வாகிகளும், தொண்டர்களும், பொதுமக்களும் உற்சாக வரவேற்பு அளித்தனர். மாண்புமிகு அம்மாவின் 72-வது பிறந்தநாளை ஒட்டி, ஒருங்கிணைந்த திருநெல்வேலி மாவட்டக்‍கழகத்தின் சார்பில், இன்று மாலை 4 மணியளவில், நெல்லை மாவட்டம், கங்கைகொண்டானில் மாபெரும் பொதுக்கூட்டம் நடைபெற உள்ளது. இதனை முன்னிட்டு, நெல்லை வந்துள்ள கழக பொதுச்செயலாளர் திரு.டிடிவி தினகரனுக்கு, நெல்லை மாநகர் மாவட்டக் கழக செயலாளர் திரு. பரமசிவ ஐயப்பன் தலைமையில், கே.டி.சி. நகரில் மேளதாளம் முழங்க உற்சாக வரவேற்பு அளிக்கப்பட்டது. கழக அமைப்புச் செயலாளர் திரு.A.P.பால் கண்ணன், மாநகர் மாவட்டக் கழக பொருளாளர் திரு.ஜோதிராஜ், இளைஞரணி செயலாளர் திரு.இசக்கிமுத்து, மகளிரணி செயலாளர் திருமதி.ராம்சன் உமா, அவைத் தலைவர் திரு.தாழை மீரான் உள்ளிட்ட பலர், இந்த நிகழ்ச்சியில் கலந்து கொண்டனர்.