தமிழகத்தில் 10ம் வகுப்பு பொதுத்தேர்வை ஒத்திவைக்கக்கோரிய வழக்கு - அரசு முடிவில் தலையிட முடியாது என கூறி தள்ளுபடி செய்தது சென்னை உயர்நீதிமன்ற மதுரைக்கிளை
Jun 3 2020 12:27PM
எழுத்தின் அளவு:
அ +
அ -
அ
தமிழகத்தில் 10ம் வகுப்பு பொதுத்தேர்வை ஒத்திவைக்கக்கோரிய வழக்கை தள்ளுபடி செய்து சென்னை உயர்நீதிமன்ற மதுரைக்கிளை உத்தரவிட்டுள்ளது.
தென்காசியை சேர்ந்த கனகராஜ் என்பவர், சென்னை உயர்நீதிமன்ற மதுரைக் கிளையில் பொதுநல வழக்கு தாக்கல் செய்தார். அதில், கொரோனா ஊரடங்கால் மாணவர்கள் மனஉளைச்சலுக்கு ஆளாகியிருக்கும் சூழலில் 10ம் வகுப்பு பொதுத்தேர்வை எதிர்கொள்ளும் மனநிலையில் இருக்க மாட்டார்கள் என்று தெரிவித்தார். சி.பி.எஸ்இ. தேர்வு ஜுலையில்தான் நடத்தப்படுகிறது. எனவே 10ம் வகுப்பு தேர்வை இம்மாதமே நடத்துவதை ஒத்திவைக்க வேண்டுமென மனுவில் கேட்டுக்கொண்டார். மனுவை விசாரித்த நீதிபதிகள் திரு.பி.என். பிரகாஷ், திரு.புகழேந்தி ஆகியோர் கொண்ட அமர்வு, தேர்வை தொடர்ந்து ஒத்திவைத்தால் மாணவர்களிடையே அச்சம் அதிகரிக்கும் என்றும், தமிழக அரசின் கொள்கை ரீதியான முடிவில் நீதிமன்றம் தலையிட முடியாது என்றும் கூறி வழக்கை தள்ளுபடி செய்தனர்.