அஇஅதிமுகவில் அடுத்த முதலமைச்சர் யார்? என்பதில் உச்சக்‍கட்ட குழப்பம் நிலவி வருகிறது. இதையொட்டி, அமைச்சர்கள் தங்களது ஆதரவாளர்களுடன் தனித்தனி குழுக்‍களாக ஆலோசனை நடத்தி வருகின்றனர்.

புரட்சித் தலைவர் எம்.ஜி.ஆர், மாண்புமிகு அம்மா ஆகியோரால் ராணுவக்‍ கட்டுப்பாட்டுடன் வளர்க்‍கப்பட்ட அஇஅதிமுக, தற்போது எந்தவிதக்‍ கட்டுப்பாடும் அற்ற நிலையில் தனித்தனி குழுக்‍களாக காட்சியளிக்‍கும் நிலைக்‍கு தள்ளப்பட்டுள்ளது. இதன் தொடர்ச்சியாக அடுத்த முதலமைச்சர் யார்? என்பதில் உச்சக்‍கட்ட குழப்பம் நிலவி வருகிறது.

திரு. பழனிசாமியும், திரு. பன்னீர்செல்வமும் மட்டுமின்றி, அமைச்சர்கள் மேலும் சிலரும் முதலமைச்சர் நாற்காலி கனவோடு காய் நகர்த்தத் தொடங்கியுள்ளனர். அமைச்சர்கள் ஒவ்வொருவரும், தங்கள் மனம்போல அடுத்த முதலமைச்சர்களின் பெயர்களை முன்மொழியத் தொடங்கியுள்ளனர்.

இந்த நிலையில், அடுத்த முதலமைச்சர் திரு. பன்னீர்செல்வம்தான் என தேனி உள்ளிட்ட பகுதிகளில் ஒட்டப்பட்ட சுவரெட்டிகள், கட்சிக்‍குள் மேலும் கொந்தளிப்பை ஏற்படுத்தியுள்ளது. கோஷ்டி பூசல் காரணமாக, இந்த சுவரொட்டிகள் கிழிக்‍கப்பட்டதால் மோதல் உருவாகும் நிலையும் ஏற்பட்டது.

இதன் தொடர்ச்சியாக, சென்னையில் இன்று அமைச்சர்கள், தங்களது ஆதரவாளர்களுடன் தனித்தனி குழுக்‍களாக இதுபற்றி காரசாரமாக விவாதித்துள்ளதாக தகவல்கள் தெரிவிக்‍கின்றன.

ராணுவக்‍ கட்டுப்பாடு நிறைந்த அஇஅதிமுக, சிலரின் சுயநல நோக்‍கத்திற்காக இப்படி சீர்குலைந்து இருப்பதைக்‍ கண்டு, கட்சியின் உண்மைத் தொண்டர்கள் வேதனை அடைந்துள்ளனர்.