பசும்பொன் தேவர் திருமகனார் குரு பூஜையையொட்டி, ராமநாதபுரம் மாவட்டம் பசும்பொன் கிராமத்தில் உள்ள நினைவிடத்தில், வரும் 30-ம் தேதி, அம்மா மக்‍கள் முன்னேற்றக்‍ கழகப் பொதுச்செயலாளர் திரு. டிடிவி தினகரன் மரியாதை செலுத்துகிறார்.

அ.ம.மு.க தலைமைக்‍கழகம் இன்று வெளியிட்டுள்ள அறிவிப்பில், தேசியத்தையும், தெய்வீகத்தையும் இரு கண்களாகப் போற்றி, மக்களையும் மண்ணையும் நேசித்த மாபெரும் தலைவர் பசும்பொன் உ.முத்துராமலிங்கத் தேவர் திருமகனாரின் 58-வது குருபூஜை வரும் 30-ம் தேதி, வெள்ளிக்கிழமை நடைபெற உள்ளதாக தெரிவிக்‍கப்பட்டுள்ளது. இதையொட்டி அன்றைய தினம் காலை 11 மணியளவில், இராமநாதபுரம் மாவட்டம், பசும்பொன் கிராமத்தில் அமைந்துள்ள தேவர் திருமகனாரின் நினைவிடத்தில், கழகப் பொதுச்செயலாளர் திரு. டிடிவி தினகரன் மரியாதை செலுத்த உள்ளார் என குறிப்பிடப்பட்டுள்ளது.

இந்நிகழ்வில், தலைமைக் கழக நிர்வாகிகள், இராமநாதபுரம் மாவட்ட கழக நிர்வாகிகள், சார்பு அணிகளின் நிர்வாகிகள், ஒன்றிய, நகர, பேரூர் கழகம் மற்றும் சார்பு அணிகளின் நிர்வாகிகள் மற்றும் கழக உடன்பிறப்புகள், பொதுமக்கள் என அனைவரும் முகக்கவசம் அணிந்து, சமூக இடைவெளியைக் கடைப்பிடித்து திரளாக கலந்து கொள்ளுமாறு கேட்டுக்கொள்ளப்பட்டுள்ளனர்.