மருத்துவ மேற்படிப்பில் மாணவர் சேர்க்கையில் நடைபெற்ற முறைகேடு குறித்து சி.பி.சி.ஐ.டி விசாரணை நடத்த, டி.ஜி.பி.க்கு சென்னை உயர்நீதிமன்றம் உத்தரவிட்டுள்ளது.

மருத்துவ மேற்படிப்பில் உள்ள காலியிடங்களுக்கு கலந்தாய்வு நடத்தி, தங்களுக்கு மாணவர் சேர்க்கை வழங்க கோரி, மருத்துவர்கள் அரவிந்த், கீதாஞ்சலி, சந்தோஷ் ஆகியோர் சென்னை உயர் நீதிமன்றத்தில் மனுக்கள் தாக்கல் செய்திருந்தனர். இந்த வழக்குகளை விசாரித்த நீதிபதி திரு. ஆனந்த் வெங்கடேஷ், தகுதி இல்லாத விண்ணப்பதாரர்களுக்கு மாணவர் சேர்க்கை வழங்குவதை தொடர அனுமதித்தால், அது தகுதியான மாணவர்களுக்கு அநீதி இழைப்பதற்கு சமம் என நீதிபதி சுட்டிக்காட்டியுள்ளார்.

அரசுத் தரப்பில் தாக்கல் செய்யப்பட்டுள்ள ஆவணங்களையும் புள்ளி விவரங்களையும் பார்க்கும்போது, கல்லூரிகள் வசூலித்த பணம் எவ்வளவு என்ற விவரங்கள் வெளிச்சத்திற்கு வரும் என தெரிவித்தார். மேலும், இந்த முறைகேடு தொடர்பாக சி.பி.சி.ஐ.டி விசாரணை நடத்த தமிழக டி.ஜி.பி-க்கு நீதிபதி உத்தரவிட்டுள்ளார். விசாரணை குறித்த அறிக்கையை ஜனவரி 30ம் தேதி தாக்கல் செய்ய வேண்டும் என உத்தரவிட்ட நீதிபதி, விசாரணையை வரும் பிப்ரவரி ஒன்றாம் தேதிக்‍கு ஒத்திவைத்தார்.