நீலகிரி மாவட்டம் உதகை அருகே, தாலி கட்டும் சமயத்தில் காதலன் வந்ததால் மணப்பெண் திருமணத்தை நிறுத்திய சம்பவம், சமூக வலைதளங்களில் வைரலாகி வருகிறது.

உதகை அருகே மட்டகண்டி கிராமத்தை சேர்ந்த திரு.அனந்த் என்பவருக்கும், துனேரி கிராமத்தைச் சேர்ந்த பிரியதர்ஷினி என்பவருக்‍கும், கடந்த 29-ம் தேதி மஞ்சூர் அருகே மட்டகண்டி கிராமத்தில் திருமணம் நடைபெற நிச்சயம் செய்யப்பட்டது. இதையடுத்து திருமண ஏற்பாடுகள் நடைபெற்று வந்தன. திருமணத்திற்காக பெண் வீட்டாரும், மணமகன் வீட்டாரும் கூடினர். இதையடுத்து, தாலி கட்டும் நேரமும் வந்தது. அப்போது, திடீரென பிரியதர்ஷினியின் காதலன் பார்த்திபன் மண்டபத்திற்கு வந்துள்ளார். இதையடுத்து, மணமேடையில் இருந்து எழுந்த பிரியதர்ஷினி, தனது காதலன் தன்னை அழைத்துச் செல்ல வந்திருப்பதாகக்‍கூறி, திருமணத்தை நிறுத்தினார். பெற்றோர் அறிவுரை கூறியும் அதனை பிரியதர்ஷினி ஏற்கவில்லை. தாலி கட்டும் சமயத்தில் காதலன் வந்ததால் மணப்பெண் திருமணத்தை நிறுத்திய சம்பவம் குறித்த வீடியோ காட்சிகள், சமூக வலைதலங்களில் வேகமாகப் பரவி வருகிறது.