தமிழக சட்டமன்றத் தேர்தல் தேதி அடுத்த மாத இறுதி வாரத்தில் அறிவிக்கப்பட வாய்ப்பு - அரசு தலைமைச் செயலர், தலைமைத் தேர்தல் அதிகாரி உள்ளிட்டோரை சந்திக்க தேர்தல் ஆணையர்கள் திட்டம் எனத் தகவல்
Jan 24 2021 4:33PM
எழுத்தின் அளவு:
அ +
அ -
அ
தமிழக சட்டமன்றத் தேர்தல் தேதி அடுத்த மாத இறுதி வாரத்தில் அறிவிக்கப்பட வாய்ப்புள்ளதாக தேர்தல் ஆணைய வட்டாரங்கள் தெரிவித்துள்ளன.
தமிழக சட்டப்பேரவையின் பதவிக்காலம் வரும் மே மாதத்துடன் முடிவடைய உள்ளதால், தேர்தலுக்கான ஏற்பாடுகள் நடைபெற்று வருகின்றன. கொரோனா தொற்று காரணமாக பள்ளிகள் மூடப்பட்டிருக்கும் நிலையில், இறுதித் தேர்வு மே மாதத்தில் நடைபெறலாம் எனக் கூறப்படுகிறது. எனவே, அதற்கு முன்னதாகவே தேர்தலை நடத்த வேண்டியிருப்பதால், தேர்தல் தேதியை அறிவிப்பதில் தேர்தல் ஆணையம் முனைப்பு காட்டி வருவதாகக் கூறப்படுகிறது. எனவே, அடுத்த மாத இறுதி வாரத்தில் தமிழக சட்டப்பேரவைத் தேர்தலுக்கான தேதி அறிவிக்கப்படலாம் எனத் தெரிகிறது. மே 5-ம் தேதிக்குள் தேர்தலை நடத்தி முடிக்க திட்டமிட்டிருப்பதாகவும், தேர்தல் ஆணைய வட்டாரங்கள் கூறுகின்றன.
இதற்காக அடுத்த வார இறுதியில், அரசு தலைமைச் செயலர், தலைமைத் தேர்தல் அதிகாரி உள்ளிட்டோரை சந்திக்க தேர்தல் ஆணையர்கள் தமிழகம் வர இருப்பதாகவும் செய்திகள் தெரிவிக்கின்றன.