இந்திய கம்யூனிஸ்ட் கட்சியின் மூத்த தலைவர் திரு. தா. பாண்டியன் உடல்நலக்‍ குறைவால் இன்று காலமானார். அவருக்‍கு வயது 89.

இந்திய கம்யூனிஸ்ட் கட்சியின் மூத்த தலைவரும், முன்னாள் நாடாளுமன்ற உறுப்பினருமான திரு.தா.பாண்டியன் அண்மைக்காலமாக உடல்நலம் குன்றியிருந்தார். நேற்று முன்தினம் அவரது உடல்நிலை மோசமானது. இதையடுத்து, சென்னை ராஜீவ்காந்தி அரசு பொது பொது மருத்துவமனையில் அவர் அனுமதிக்கப்பட்டார். சிறுநீரக கோளாறு, ரத்த அழுத்தம் ஆகியவற்றுக்காக அவருக்கு தீவிர சிகிச்சை அளிக்கப்பட்டடது. இந்நிலையில், இன்று சிகிச்சை பலனின்றி திரு. தா. பாண்டியனின் உயிர் பிரிந்தது. அரசு மருத்துவமனையில் இருந்து அவரது உடல், சென்னை அண்ணாநகரில் உள்ள அவரது வீட்டிற்கு எடுத்துச் செல்லப்பட்டு, பொதுமக்‍களின் அஞ்சலிக்‍காக வைக்‍கப்படுகிறது. இதனை தொடர்ந்து சென்னை தியாகராயநகரில் உள்ள இந்திய கம்யூனிஸ்ட் கட்சி அலுவலகமான பாலன் இல்லத்தில் பொதுமக்‍கள் அஞ்சலிக்‍காக பிற்பகல் 2​- மணி முதல் 7-மணி வரை வைக்‍கப்படுகிறது. ​பின்னர் திரு. தா.பாண்டியனில் உடல் அவரது சொந்த ஊரான உசிலம்பட்டி அருகே உத்தமபாளையத்தில் உள்ள வெள்ளைமலைக்‍கு எடுத்து செல்லப்படுகிறது. அங்குள்ள​டேவிட் பண்ணையில் திரு. தா.பாண்டியனின் உடல் நாளை அடக்‍கம் செய்யப்படுகிறது.