சிவகங்கை மாவட்டம் இளையான்குடி அருகே, ஆக்கிரமிப்பை அகற்றிய பஞ்சாயத்து தலைவரை, கிராம மக்கள் ஊரைவிட்டு ஒதுக்கிய சம்பவம் நிகழ்ந்துள்ளது.

கட்சாத்தநல்லூர் ஊராட்சி மன்றத் தலைவராக உள்ள பெருமாள் என்பவர், ஒன்றரை ஆண்டுகளுக்‍கு முன்பு, 4 ஏக்கரில் அரசு புறம்போக்கு நிலத்தை சிலர் ஆக்கிரமித்ததை அகற்றி, அம்மா விளையாட்டு மைதானத்தை உருவாக்கியுள்ளார். அவர் மீது ஆத்திரம் அடைந்த ஆக்கிரமிப்பாளர்கள், ஒன்றுசேர்ந்து கொண்டு கிராம ஊராட்சித் தலைவர் மற்றும் அவரது உறவினர்கள் என 15 குடும்பத்தினரை, ஒன்றரை ஆண்டு காலமாக கிராமத்தை விட்டு ஒதுக்கி வைத்துள்ளனர். இந்நிலையில் ஊராட்சித் தலைவர் உள்பட 15 குடும்பத்தைச் சேர்ந்தவர்கள், சிவகங்கை மாவட்ட ஆட்சியர் அலுவலகத்தில் ஆட்சியர் திரு. மதுசூதனன் ரெட்டியை நேரில் சந்தித்து, இச்சம்பவம் குறித்து நடவடிக்கை எடுக்கக்கோரி மனு அளித்தனர். அரசு புறம்போக்‍கு நிலத்தை மீட்ட ஊராட்சி தலைவரையே, ஊரை விட்டு ஒதுக்கிய சம்பவம் வியப்பை ஏற்படுத்தியுள்ளது.