தமிழகத்தில், டெல்டா மாவட்டங்களில் நாளை மறுநாள் முதல் 4 நாட்களுக்கு கனமழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

சென்னை வானிலை ஆய்வு மையம் இன்று வெளியிட்டுள்ள அறிக்‍கையில், தென்மேற்கு பருவக்காற்று மற்றும் வெப்ப சலனம் காரணமாக, டெல்டா மாவட்டங்கள் ,புதுக்கோட்டை, மதுரை மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய கனமழை பெய்யக்‍கூடும் என தெரிவிக்‍கப்பட்டுள்ளது. கடலோர மாவட்டங்கள் மற்றும் அதனை ஒட்டிய உள் மாவட்டங்களில் மிதமான மழையும் பெய்ய கூடும் எனவும் சென்னை வானிலை ஆய்வு மையம் தெரிவித்துள்ளது.

அரியலூர், பெரம்பலூர், கடலூர், சேலம், கள்ளக்‍குறிச்சி, திருவண்ணாமலை, புதுக்‍கோட்டை மாவட்டங்களிலும், கடலோர மாவட்டங்கள் மற்றும் புதுச்சேரியிலும் கனமழை பெய்யக்‍கூடும் என தெரிவிக்‍கப்பட்டுள்ளது. சென்னையை பொறுத்தவரை வானம் மேகமூட்டத்துடன் காணப்படும் என்றும், அடுத்த 48 மணி நேரத்தில், நகரின் ஒருசில இடங்களில் லேசமான மற்றும் இடி மின்னலுடன் கூடிய கனமழைக்‍கு வாய்ப்புள்ளதாகவும் குறிப்பிடப்பட்டுள்ளது.