தமிழகத்தில் வடகிழக்கு பருவமழை இயல்பைவிட அதிகமாக இருக்கும் - இந்த மாதத்தில் 132% அளவுக்கு கூடுதலாக மழை பொழிவு இருக்கும் என இந்திய வானிலை ஆய்வு மையம் கணிப்பு
Dec 2 2021 11:25AM
எழுத்தின் அளவு:
அ +
அ -
அ
இதுவரை இல்லாத அளவுக்கு நடப்பு மாதத்தில் வடகிழக்கு பருவமழை இயல்பை விட அதிகமாக இருக்குமென இந்திய வானிலை ஆய்வு மையம் தெரிவித்துள்ளது.
இந்தியாவில் நடப்பு ஆண்டு பருவமழை நன்றாக பெய்து வருகிறது. வடகிழக்கு பருவமழை தமிழகத்தில் நவம்பர் மாதம் கொட்டி தீர்த்தது. இதனால், தமிழகம் முழுவதும் நீர் நிலைகள் நிரம்பின. பல இடங்கள் வெள்ள பாதிப்பு ஏற்பட்டது. இந்த நிலையில், டிசம்பர் மாதத்தில் இயல்பை விட கூடுதலாக மழை பொழிவு இருக்கும் என இந்திய வானிலை ஆய்வு மையம் தெரிவித்துள்ளது. அதன்படி 132 சதவீதத்துக்கு மேல் மழை பெய்ய கூடிய வாய்ப்பு உள்ளதாக இந்திய வானிலை ஆய்வு மையம் கூறியுள்ளது. மேலும், டிசம்பர் முதல் பிப்ரவரி மாதம் வரையில் ஆந்திர கடலோர பகுதிகள், தெற்கு கர்நாடகா, தமிழ்நாடு, புதுச்சேரி மற்றும் கேரளா ஆகிய இடங்களில் இயல்பை விட கூடுதலாக மழைப்பொழிவு இருக்கும் என்றும் குறிப்பிட்டுள்ளது.