தென்கிழக்‍கு வங்கக்‍கடல் பகுதியில் நிலவும் ஆழ்ந்த காற்றழுத்த தாழ்வுப்பகுதி, அடுத்த 12 மணி நேரத்தில் காற்றழுத்த தாழ்வு மண்டலமாக மாறக்‍கூடும் என சென்னை வானிலை மையம் தெரிவித்துள்ளது.

தென்கிழக்‍கு வங்கக்‍கடல் பகுதியில் நிலவும் ஆழ்ந்த காற்றழுத்த தாழ்வுப்பகுதி, மேற்கு வடமேற்கு திசையில் நகர்ந்து, அடுத்த 12 மணி நேரத்தில் காற்றழுத்த தாழ்வு மண்டலமாகவும், அதனைத்தொடர்ந்து, 24 மணி நேரத்தில் புயலாக வலுப்பெற்று, மத்திய வங்கக்‍கடல் பகுதிக்‍கு நகரக்‍கூடும் - இது மேலும் வடமேற்கு திசையில் நகர்ந்து, வடக்‍கு ஆந்திரா - தெற்கு ஒடிசா கடற்கரையை, வரும் 4ம் தேதி காலை நெருங்கக்‍கூடும் என வானிலை மையம் தெரிவித்துள்ளது.

வெப்பச்சலனம் காரணமாக தமிழக தென்மாவட்டங்கள், மேற்குதொடர்ச்சி மலையையொட்டிய மாவட்டங்களில் ஓரிரு இடங்களில், லேசானது முதல் மிதமான மழையும், ஏனைய மாவட்டங்களில் ஓரிரு இடங்களில் லேசான மழையும் பெய்யக்‍கூடும் என தெரிவிக்‍கப்பட்டுள்ளது.

தென்கிழக்‍கு வங்கக்‍கடல் பகுதி மற்றும் அந்தமான் கடல் பகுதிகளில் சூறாவளிக்‍காற்று மணிக்‍கு 40 முதல் 50 கிலோமீட்டர் வேகத்திலும், இடையிடையே 60 கிலோமீட்டர் வேகத்திலும் வீசக்‍கூடும் என வானிலை மையம் தெரிவித்துள்ளது.