கொரோனாவை பரப்பும் வகையில் கூட்டத்தை கூட்டியதாக குற்றச்சாட்டு : தி.மு.க. நகரச் செயலாளர் மீது போலீசார் வழக்குப்பதிவு
Jan 21 2022 6:05PM
எழுத்தின் அளவு:
அ +
அ -
அ
கொரோனா தொற்றை பரப்பும் வகையில் கூட்டத்தை கூட்டிய விவகாரத்தில், விழுப்புரத்தில் தி.மு.க. நகரச் செயலாளர் மீது போலீசார் வழக்குப்பதிவு செய்துள்ளனர்.
விழுப்புரத்தில், வடமாநிலத்தைச் சேர்ந்த லாரி மோதி, தந்தை பெரியார் சிலை சேதமடைந்த சம்பவம் பரபரப்பை ஏற்படுத்தியது. இதையடுத்து, தி.மு.க நகரச் செயலாளர் சக்கர தலைமையில் தி.மு.க.வினர், சாலை மறியல் போராட்டத்தில் ஈடுபட்டனர். மேலும், காவல்நிலையத்திற்குள் அத்துமீறி நுழைந்து, லாரி ஓட்டுனரை தாக்க முற்பட்டனர்.
இதனைத்தடுக்க முயன்ற காவல்துறை அதிகாரிகளை, திமுக நகர செயலாளர் சக்கரை ஆபாசமாகப் பேசி மிரட்டிய சம்பவம் பரபரப்பை ஏற்படுத்தியது. இதையடுத்து, அனுமதியின்றி போராட்டம் நடத்தியது, கொரோனா தொற்று பரப்பும் வகையில் கூட்டம் கூடியது உள்ளிட்ட 5 பிரிவுகளின் கீழ் திமுக நகர செயலாளர் சக்கரை உள்ளிட்ட 10 பேர் மீது விழுப்புரம் நகர போலீசார் வழக்குப்பதிவு செய்தனர்.