சட்டவிரோத பணப்பரிவர்த்தனை தொடர்பான புகார் - தமிழகத்தில் 40-க்கும் மேற்பட்ட இடங்களில் அமலாக்கத்துறை சோதனை
Aug 5 2022 1:10PM
எழுத்தின் அளவு:
அ +
அ -
அ
சட்டவிரோத பணப்பரிவர்த்தனை தொடர்பான புகாரின் பேரில் சென்னை உட்பட தமிழகத்தில் இன்று காலை முதல் 40 க்கும் மேற்பட்ட இடங்களில் அமலாக்கத்துறையினர் சோதனை மேற்கொண்டு வருகின்றனர்.
சென்னையில் நுங்கம்பாக்கம், எழும்பூர், ஆழ்வார்பேட்டை உள்ளிட்ட 40-க்கும் மேற்பட்ட இடங்களில் சோதனை நடைபெற்று வருகிறது.
பல்வேறு முக்கிய பிரமுகர்கள் சட்டவிரோத பணப்பரிவர்த்தனையில் ஈடுபட்டு வருவதாக எழுந்த புகார் அடிப்படையில் சோதனை நடத்தப்பட்டது.
சென்னை நுங்கம்பாக்கம் மோகன் குமாரமங்கலம் தெருவில் உள்ள சசி டவர்ஸ் என்ற அடுக்குமாடி குடியிருப்பிலும் அமலாக்கத்துறையினர் சோதனை நடத்தினர். இந்த அடுக்குமாடி குடியிருப்பின் ஏ பிளாக்கில் இரண்டாவது மாடியில் வசித்து வரும் பிரபல கார் பைனான்சியர் ரமேஷ் டுக்கர் என்பவரது வீட்டில் சோதனை நடத்தப்பட்டது. மேலும், எழும்பூரில் உள்ள அவரது டுக்கர் பைனான்ஸ் என்ற அலுவலகத்திலும் சோதனை நடத்தப்பட்டதாக தகவல்கள் வெளியாகியுள்ளன.