தமிழக - ஆந்திர எல்லையில் கனமழை பெய்வதன் எதிரொலி : மோர்தானா அணைக்கு நீர்வரத்து அதிகரிப்பு
Aug 5 2022 3:36PM
எழுத்தின் அளவு:
அ +
அ -
அ
தமிழக - ஆந்திர எல்லையோரம் வனப்பகுதியில் பெய்த கனமழை காரணமாக வேலூர் மோர்தானா அணைக்கு நீர்வரத்து அதிகரித்துள்ளது.
குடியாத்தம் அருகே தமிழக ஆந்திர எல்லையோரம் அமைந்துள்ள மோர்தானா அணை 11.50 மீட்டர் உயரமும், 261 மில்லியன் கன அடி கொள்ளளவு கொண்டது. இந்த அணை கடந்த மாதம் தனது முழு கொள்ளளவை எட்டி நிரம்பிய நிலையில், நேற்று இரவு ஆந்திர தமிழக எல்லையோரம் பெய்த கனமழை காரணமாக மோர்தானா அணைக்கு நீர்வரத்து அதிகரித்துள்ளது. அணைக்கு தற்போது வினாடிக்கு 500 கன அடி தண்ணீர் வந்து கொண்டிருக்கும் நிலையில், வினாடிக்கு 500 கன அடி தண்ணீர் உபரிநீராக வெளியேற்றப்பட்டு வருகிறது. இதனால் அப்பகுதிக்கு யாரும் செல்ல வேண்டுமென மாவட்ட நிர்வாகம் அறிவுறுத்தி உள்ளது.