போதைப் பொருள் விவகாரத்தில் பிணை கோரிய மனுவைத் தள்ளுபடி செய்து உயர் நீதிமன்றம் உத்தரவு
Aug 5 2022 6:52PM
எழுத்தின் அளவு:
அ +
அ -
அ
கொரியர் மூலம் போதைப் பொருள் கடத்தல் தொடர்பாக சிறையில் இருப்பவர்களுக்கு பிணை அளிக்க உயர் நீதிமன்ற மதுரை கிளை மறுத்துவிட்டது.
மதுரையைச் சேர்ந்த முருகேசன், மணிகண்டன், மேனன் என்ற விஜி ஆகியோர் போதைப் பொருள் கடத்தல் வழக்கில் ஜாமீன் கோரி உயர்நீதிமன்றம் மதுரை கிளையில் மனுத்தாக்கல் செய்திருந்தனர். 650 கிராம் போதைப் பொருட்களை கடத்த முயன்றதாக இவர்கள் மீது வழக்கு பதிவு செய்யப்பட்டுள்ளது. வழக்கு பதிவு செய்யப்பட்ட பின் 200 நாட்களுக்கும் மேல் சிறையில் இருந்துவரும் நிலையில் பிணை கோருவதாக மனுதாரர்கள் தரப்பில் தெரிவிக்கப்பட்டிருந்தது. இருப்பினும் இம்மனுவை நிராகரித்த நீதிமன்றம், 5 மாதங்களுக்குள் விசாரணையை முடிக்குமாறு கீழமை நீதிமன்றத்துக்கு உத்தரவிட்டது.