கோவையில் தீபாவளி தினத்தன்று ஈஷா யோகா மையத்தில் ஆதியோகி சிலையை சிலர் புகைப்படம் எடுத்ததை பார்த்ததாக டாக்ஸி ஓட்டுநர் போலீசாரிடம் தெரிவித்துள்ளார்.

கர்நாடக மாநிலம் மங்களூரில் கடந்த 19-ம் தேதி ஆட்டோவில் குக்கர் குண்டு வெடித்தது தொடர்பாக, மங்களூரு போலீஸார் 7 தனிப்படைகளை அமைத்து விசாரணை நடத்தி வருகின்றனர். போலீசார் நடத்திய விசாரணையில், குக்கர் குண்டுடன் ஆட்டோவில் பயணித்த முகமது ஷாரிக், தனது மத அடையாளத்தை மறைத்து செயல்பட்டதுடன், போலி ஆதார் அட்டை மூலம் சிம் கார்டு வாங்கியதும் தெரியவந்துள்ளது. இந்நிலையில், முகமதுஷாரிக் தனது வாட்ஸ் அப் DP யில் ஈஷா ஆதியோகி சிலை வைத்திருந்ததாக இரு தினங்களுக்கு செய்தி வெளியானது. இது குறித்து போலீசாருக்‍கு தகவல் அளித்துள்ள ஓட்டுநர் ஆனந்த் என்பவர், தீபாவளி தினத்தன்று ஈஷா யோகா மையத்தில் ஆதியோகி சிலையை சிலர் புகைப்படம் எடுத்ததை பார்த்ததாக கூறியுள்ளளர். புகைப்படம் எடுத்த நபர்களில் ஒருவர் முகமது ஷாரிக்கை போல இருந்ததாகவும், தலையில் குல்லா அணிந்து இருந்ததாகவும் தகவல் தெரிவித்துள்ளார். இது குறித்து நேற்றிரவு ஆனந்திடம் விசாரணை நடத்திய போலீசார், தீபாவளி தினத்தன்று முகமது ஷாரிக் பயன்படுத்திய மொபைல் கர்நாடக மாநிலத்தில் இருந்ததை உறுதி செய்துள்ளனர். எனினும் கால் டாக்ஸி ஓட்டுநர் ஆனந்த் கொடுத்த தகவலின் அடிப்படையில் போலீசார் விசாரணை நடத்தி வருகின்றனர்.