சென்னை விமான நிலையத்தில் எலக்ட்ரிக் வாகன சார்ஜிங் நிலையம் அமைப்பு : மாசு பரவுதல், எரிபொருள் செலவை மிச்சப்படுத்தும் வகையில் ஏற்பாடு
Nov 25 2022 1:27PM
எழுத்தின் அளவு:
அ +
அ -
அ
சென்னை விமான நிலையத்தில் மின்சார வாகனங்கள் சார்ஜ் செய்யும் வகையில் ஏற்பாடுகள் செய்யப்பட்டுள்ளன. இந்திய விமான நிலைய ஆணையம் கட்டுப்பாட்டில் உள்ள விமான நிலையங்களில் முதல் முறையாக சென்னை விமான நிலையத்தில் இந்த எலக்ட்ரிக் வாகன சார்ஜிங் நிலையம் அமைக்கப்பட்டுள்ளது. மாசு பரவுவதை தடுக்கவும், எரிபொருள் செலவை குறைக்கும் வகையில் இந்த வசதி ஏற்படுத்தப்பட்டுள்ளதாக தெரிவிக்கப்பட்டுள்ளது. 15 கிலோ வாட் மற்றும் 7 கிலோ வாட் என இரண்டு சார்ஜிங் பாயிண்ட்கள் அமைக்கப்பட்டுள்ள நிலையில், செல்போன் ஆப் மற்றும் ரேடியோ அலைவரிசை அடையாளக் கோடு வாயிலாக இதனை பயன்படுத்த முடியுமென கூறப்பட்டுள்ளது. பயணிகளின் வசதிக்காக இந்திய விமான நிலைய ஆணையம் மற்றும் இந்தியன் ஆயில் நிறுவனம் இணைந்து சார்ஜிங் நிலையத்தை ஏற்படுத்தியுள்ளன.