ஆளுநர் 6-வது விரல், அதை வெட்டி எறிய வேண்டும், அஞ்சு விரல் போதும் : நாம் தமிழர் ஒருங்கிணைப்பாளர் சீமான் ஆவேசம்
Dec 7 2022 1:30PM
எழுத்தின் அளவு:
அ +
அ -
அ
ஆளுநர் 6-வது விரல், அதை வெட்டி எறிய வேண்டும். அஞ்சு விரல் போதும் என நாம் தமிழர் ஒருங்கிணைப்பாளர் சீமான் ஆவேசமாக தெரிவித்துள்ளார்.
அம்பேத்கரின் 66வது நினைவு தினத்தை முன்னிட்டு சென்னை ராஜா அண்ணாமலைபுரத்தில் உள்ள அம்பேத்கர் மணி மண்டபத்தில் மரியாதை செலுத்திய பிறகு நாம் தமிழர் கட்சியின் தலைமை ஒருங்கிணைப்பாளர் சீமான் செய்தியாளர்களை சந்தித்தார்.
அண்ணல் அம்பேத்கர் இந்த நாட்டின் பெருமை என குறிப்பிட்ட சீமான் நாட்டை தாண்டி புகழ்பெற்ற தலைவர்கள் என்றால் அது அம்பேத்கர் மற்றும் காந்தி மட்டும்தான் என்றும், வல்லபாய் பட்டேல் அல்ல என்றும் தெரிவித்தார்.
பாராளுமன்ற கட்டிடத்திற்கு அண்ணல் அம்பேத்கரை பெயரை வைப்பது பொருத்தமானதாக இருக்கும் என மீண்டும் வலியுறுத்துவதாக சீமான் குறிப்பிட்டார். பாஜக அம்பேத்கரை கொண்டாடுவதற்கு காரணம் வாக்கு வாங்கி அரசியல் என சீமான் குற்றம் சாட்டினார்.