சேலத்தில் 'நம்ம சிறுதானியம்' என்னும் சிறுதானிய பயிர்கள் குறித்த கண்காட்சி - கம்பு, ராகி, திணை, சோளம் போன்ற சிறுதானிய பயிர்கள் காட்சிப்படுத்தப்பட்டன
Mar 24 2023 6:43PM
எழுத்தின் அளவு:
அ +
அ -
அ
சேலம் மாவட்ட ஆட்சியர் அலுவலகத்தில், தமிழ்நாடு வேளாண்மை துறை சார்பில், நம்ம சிறுதானியம் என்னும் சிறுதானிய பயிர்கள் குறித்த கண்காட்சி நடைபெற்றது.
சிறுதானிய பயிர்கள் குறித்து இன்றைய இளைய தலைமுறையிடம் கொண்டு சேர்க்கும் விதமாக, அரசு மற்றும் தன்னார்வ அமைப்பின் சார்பில் பல்வேறு விழிப்புணர்வு நிகழ்ச்சிகள் நடத்தப்பட்டு வருகிறது, இந்நிலையில், சேலம் ஆட்சியர் அலுவலகத்தில், நம்ம சிறுதானியம் என்னும் சிறுதானிய பயிர்கள் குறித்த கண்காட்சியை ஆட்சியர் கார்மேகம், தொடங்கி வைத்து, சிறு தானியங்கள் குறித்த புத்தகங்களை வெளியிட்டார். கண்காட்சியில் கம்பு, ராகி, திணை, சோளம், பச்சைப்பயிறு, கொள்ளு, எள்ளு உள்ளிட்ட பல்வேறு சிறுதானிய பயிர்கள் பார்வைக்காக காட்சிப்படுத்தப்பட்டிருந்தது. இதனை ஏராளமான பொதுமக்கள் பார்வையிட்டனர்.