தென்காசியில் பள்ளிவேனும் காரும் நேருக்கு நேர் மோதி 5 பேர் பலியான சம்பவம் : பள்ளி வேனில் வேக கட்டுப்பாட்டு கருவி செயல்படாததே விபத்திற்கு காரணம் என தகவல்
May 26 2023 12:43PM
எழுத்தின் அளவு:
அ +
அ -
அ
தென்காசியில் விபத்தில் சிக்கிய பள்ளி வாகனத்தில் பொருத்தப்பட்டிருந்த வேக கட்டுப்பாட்டு கருவி செயல்படாததே விபத்துக்கு காரணம் என தகவல் வெளியாகியுள்ளது. பனவடலி சத்திரத்தில் மகாலட்சுமி மெட்ரிகுலேஷன் பள்ளி வாகனமும், காரும் நேருக்கு நேர் மோதிய விபத்தில் 5 பேர் உயிரிழந்தனர். கடந்த சில நாட்களுக்கு முன்பு சங்கரன்கோவில் வட்டார போக்குவரத்துக்கு சரகத்துக்கு உட்பட்ட 300-க்கும் மேற்பட்ட தனியார் பள்ளி வாகனங்களின் பாதுகாப்பு குறித்து ஆய்வு செய்து, சான்று வழங்கியிருந்தார். இந்நிலையில், விபத்துக்குள்ளான பள்ளி வாகனத்தில் பொருத்தப்பட்டிருந்த வேக கட்டுப்பாட்டு கருவி செயல் இழந்ததே விபத்துக்கு காரணம் என கூறப்படும் நிலையில், அதிகாரிகளின் ஆய்வு கண் துடைப்பு நாடகமா? என சமூக ஆர்வலர்கள் கேள்வி எழுப்பி வருகின்றனர்.